[Compostela] Relatorio e Video: Cidade ocupada por polícias para evitar manifestaçom pro-okupaçom

A enésima actuaçom repressiva contra a histórica casa okupa compostelana, cujas instalaçons fôrom tapiadas após o despejo dos okupantes no passado dia 29 de Dezembro, provocou ontem umha resposta mobilizadora de quase umha centena de vizinhos e vizinhas de Compostela. 

Como é habitual na capital da Galiza, nomeadamente em Ano Santo como este, a presença de fardados armados era irrespirável. A Polícia de choque realizou identificaçons em massa dos e das participantes, que protestárom pola falta de liberdades civis que denota a reposta policial à legítima mobilizaçom das pessoas expulsas da Casa Encantada. Provavelmente as identificaçons darám passagem a denúncias selectivas contra participantes na manifestaçom, como é habitual que aconteça nestes casos.

O silêncio mediático só foi roto por visons manipuladas da realidade, como corresponde ao jornal espanhol El País. É o complemento mediático de umha realidade virtual criada em Compostela para garantir o lucro empresarial com os fastos do Jacobeu. A capital galega está literalmente tomada pola polícia espanhola, que mostra atitudes de grande violência contra qualquer tentativa de protesto contra o Parque Temático em que querem converter Compostela, com a expulsom de okupas e outros que o sistema considera "indesejáveis".