O sindicato CNT-AIT de Compostela convoca para o vindeiro sábado 15 de novembro ás 12am a unha concentración diante da sede da SGAE na compostelana rúa de Salvadas. Esta protesta celebraráse días antes do xuízo que enfrontará á liberdade de expresión contra o poder da SGAE.
No verán de 2007, o Sindicato de Artes Gráficas, Comunicación e Espectáculos da Confederación Nacional do Traballo de Madrid difundiu un comunicado referente á demanda que a Sociedade Xeral de Autores e Editores (SGAE) interpuxera contra a páxina web Alasbarricadas, por mor da publicación nun dos seus foros dun contido satírico cara á SGAE, polo que máis tarde serían condenados a pagar unha importante suma de cartos.
O sindicato quería mostrar deste xeito a súa solidariedade cara a Alasbarricadas.org e o seu rexeitamento á pretensión que ten a SGAE de acalar calquera voz crítica. A principios deste ano, descubrimos con asombro que ese breve comunicado de solidariedade levara á organización dirixida por Teddy Bautista a demandar agora a CNT por "intromisión ilexítima" na súa "honra". Pídennos 9.000 euros e unha rectificación pública.
Tenta vencernos nos despachos unha entidade cuxa "honra" é máis que discutible, non por que o diga CNT, senón porque así o demostra a súa actividade. Unha actividade policial, mais ben un monopolio, para impedir que a xente comparta sen ánimo de lucro os bens culturais. Unha actividade prexudicial cara á maioría dos seus asociados, cuxos "dereitos de autor" xestionan de maneira sospeitosa, segundo denuncias internas. E unha actividade capitalista polo que a SGAE estende o seu imperio económico grazas a un máis que lucrativo concepto de "propiedade intelectual" que sofren desde festivais solidarios a radios libres, pasando por asociacións de discapacitados.
Aínda así, sen ningún rubor se autodenominan "defensores da cultura". Se o fosen, darianse conta de que agrediron á Confederación Nacional do Traballo, unha organización que nos seus 98 anos de historia fundou miles de ateneos libertarios, escolas racionalistas, bibliotecas populares e xornais de forma desinteresada, co único fin de aumentar o nivel cultural, material e revolucionario do pobo. Que defensa da cultura vainos a ensinar a SGAE?
Tras tentar sen éxito solucionar o conflito de forma amigable, ao que se negaron os capitostes da SGAE, CNT fixo o que o seu espírito lle mandaba: comezar unha campaña de acción directa e denuncia social para defenderse da agresión desta entidade. Desde ese momento, produciuse unha onda de accións variadas en decenas de localidades do Estado: Madrid, Santa Cruz de Tenerife, Sevilla, Segovia, Málaga, Zaragoza, Zamora, León, Manresa, Santander, Palma de Mallorca, Toledo, Compostela e moitas máis. Na campaña acompañounos moita xente, e até un centenar de socios da SGAE protestaron polo proceso xudicial aberto e pola falta de democracia interna nunha entidade dominada pola súa cúpula directiva.
A pesar de todo, a SGAE preferiu seguir ensuciando a súa imaxe pública antes que rectificar. Todo por un orgullo mal entendido e un puñado de euros que para eles é esmola pero para nós é importante pois o noso diñeiro provén exclusivamente da autogestión. Denunciar a unha organización de traballadores e traballadoras federados/as para defender os seus dereitos, para cambiar as cousas a mellor. Pretenden reprimirnos así para minguar a nosa capacidade de loita, para facernos dano. Por todo iso a protesta é necesaria.
Isto non debe ser entendido como un ataque só á CNT, senón contra toda a poboación. Éste tipo de denuncias contribúen a minguar dereitos como a liberdade de expresión e fortalece a tese do pensamento único e dominante. Quen discrepe será denunciado e xulgado. Aféctanos a todos/as. Por iso, participar nesta manifestación é a mellor forma de tentar paralo.
O xuízo realizarase o día 18 de novembro. Cremos importante que a SGAE chegue aos xulgados coa nosa protesta resoando nos seus oídos. Porque CNT loita na rúa.
Convocamos a todas as persoas que rexeiten o funcionamento antisocial da SGAE e defendan a liberdade de expresión a que acudan á concentración que celebraremos diante da sede da SGAE en Compostela (rua Salvadas) o vindeiro 15 de novembro ás 12 do mediodía.
POLA CULTURA LIBRE E A LIBERDADE DE EXPRESIÓN!
SGAE NON, GRAZAS
15N-12am: Concentración na sede da SGAE [Compostela]
Re: 15N-12am: Concentración na sede da SGAE [Compostela]
O mesmo sabado e en resposta solidaria o sindicato de artes graficas comunicacion e espectaculos a CNT de Vigo concentrarase fronte o MARCO as 19 horas
Re: 15N-12am: Concentración na sede da SGAE [Compostela]
De CNT-Galiza
O Sol acompanhava nessa hora temprana e a noite de luar ainda estava cercana, porém a CNT voltou às portas da SGAE, junto com pessoas amigas, para manifestar a nossa repulsa perante este organismo recaudador que nos tem denunciado nos tribunais.
Este acto fazia parte do campanha que a anarco-sindical vem realizando desde que, pela nossa solidariadade com o portal de “Alasbarricadas”., fomos denunciados aos tribunais, onde nos pretendem impór uma multa de 9000 €.
Hoje a CNT vem de se manifestar em Madrid e nós solidarizamo-nos em Compostela com um nutrido grupo de meio cento de amigos e amigas que quisseram também mostrar a sua solidariedade aliás da sua repulsa perante este organismo recaudador.
A rua animou-se com a presença das cores rubro e negras e com os companheiros e companheiras que repartiram livros e panfletos a um público incrédulo.
Despois da concentração e dado que o pessoal estava animado decidimos manifestarmo-nos pelas ruas de Compostela até a Alameda, onde depois de lido o panfleto e berrado um pouco mais, demos por finalizado o acto para encaminharmo-nos depois para ir almorçar ao local da CNT, onde comemos umas empadas, tortilhas e salada de arroz, que as companheiras e companheiros da FLocal.nos tinham preparado.